- Istória Badak ESTV Grupu Teknolojia no Industria Becora
Eskola Sekundáriu Tékniku Vokasionál Grupu Teknolojia no Industria Becora, hanaran ESTV-GTI Becora hamriik iha área Aldeia 20 de Maiu, Suku Becora postu de administrativu Cristo Reí Municipio Dili nian. Eskola Sekundáriu Tékniku Vokasionál Grupo de Teknolojia E Industria (ESTV-GTI) Becora, ho naran tuan Sekolah Teknik Menengah (STM) Negri Dili ne’ebé ho ninia edifísiu rasik hahú tinan akadémika 1987-1988.
Eskola Sekundáriu Tékniku Vokasionál Grupo Teknolojia no Industria Becora nu’udar Eskola sekundáriu Tékniku Vokasionál Publiku i úniku estado nian ne’ebé reativa ninian existencia fila fali iha 01 de Julo de 2000 mai to’o daudaun ne’e. Eskola Sekundáriu Tékniku Vokasionál Grupo Teknolojia no Industria Becora ho ninia Departamentu sira mak hanesan:
- Departamentu Construção Civil
- Departamentu Mecánica Automóvel
- Departamentu Mecánica Produção
- Departamentu Electrónica
- Departamentu Eletrisidade
- Departamentu Informática
Departamentu hirak ne’e ho ida-idak nia oficina no laboratóriu rasik atu estudante sira bele asesu ba iha pratika oficinas, apoiu materia téknika iha mós materia normativo, adaptivo no opcional nu’udar materia jerais ba departamentu hotu no kompleta kapasitasaun ho maggan ka estajiu iha kompañia privada no Instituisaun Estadu nia iha Territorio Timor laran tomak. Profesór permanente no kontratadu sira ne’ebé hanorin iha Eskola Sekundáriu Tékniku Vokasionál Grupo Teknolojia no Industria Becora hamutuk na’in 69 ne’ebé ativu kondisionál hodi prepara Timor oan sira nia futuru atu sai ajente dezenvolvimentu nasionál.