Estrutura ESTV Grupo Teknolojia no Industria Becora

Knaar no Responsabilidade

Normalmente iha instituisaun edukasaun, especialmente iha Eskola Sekundáriu Tékniku Vokasionál Grupo Teknolojia no Industria Becora iha knaar no responsabilidade hodi jere no ezekuta planu no programa ne’ebé investe iha área edukasaun. Knaar no responsabilidade sira ne’ebé tutela ba órgaun diretiva sira mak hanesan tuir mai ne’e:

Diretór da Eskola

Diretór nia knaar jere organizasaun, implementasaun dezenvolvimentu no orienta administrasaun, organiza no kontrola lala’ok iha organizasaun. Funsaun sira ne’ebé hala’o husi diretór mak hanesan:

Partisipa reuniaun koordenasaun ba dezenvolvimentu eskolár.

Realiza enkontru regular iha gabinete sekretariadu organizasaun nian.

Koordenasaun ho emisario sira.

Halo koordenasaun ho profesór sira ba planu anual.

Halo koordenasaun no implementa planu programa no atividade organizasaun nian hodi hasa’e kapasidade edukadór (profesór) sira nian.
Diretór Adjunto

Hamutuk ho diretór eskola hodi partisipa servisu sira husi central, regional, municipal husi Ministerio Edukasaun ba definisaun polítika formasaun ba profesór sira no dezenvolvimentu kurríkulu no pedagójiku.
1. Garantia ba implementasaun polítika edukasaun inkluziva.

Koordena dezenvolvimentu atividade extracurricular.

No hala’o kompeténsia sira seluk ne’ebé hetan delegasaun husi diretór.

Gabinete de Apoiu Tékniku (GAT)

Asegura ezekusaun kompeténsia administrativa, téknika no jestaun.

Kompeténsia dezenvolve atividade jestaun finanseira, planeamentu, informasaun estatístika no teknolojia informasaun.

Ezekuta programa asaun sosiál eskolár no saúde publika.

Halo jestaun ba rekursu umanu, infraestrutura no lojístika.

Distribuisaun materia eskolár no didátiku sira.

Funsionamentu no manutensaun ba biblioteka eskolár.

Manutensaun no jestaun ba oficina eskolár.

Divizaun Kurríkulu : ajuda adjunto diretór iha implementasaun husi orientasaun pedagójiku ne’ebé define ona husi superior sira.
Divizaun Konsellu Estudante : ajuda adjunto diretór hodi organiza no orienta estudante sira iha prosesu edukativu.
Divizaun administrasaun no Finansas : ajuda GAT hodi organiza no jere planu no atividade administrativa no finanseiru eskolár.
Divizaun lojístika no biblioteka : ajuda GAT hodi kontrola no alista material no ekipamentu sira eskola nian.
Xefe departamentu no edukadór sira : ajuda adjunto diretór hodi dezenvolve departamentu sira husi apoiu tékniku, sientífiku, teknolojia, profesionalidade no kompeténsia sira seluk ne’ebé mak sira iha.